2017年8月2日星期三

奇怪的司機

我一向寫很多的士司機的事。

基本上,我已經以為我再沒有東西好寫,因為已經寫得太多,也見盡那些的士人和事。吵又吵過,罵又罵過,打又打過,都沒有什麼好話題了罷?

今晚坐的士,又遇上一個正的。


晚上,在街上截著一輛的士。一般的士都會罔顧交通情況,在求其的地方上落客。但這個不同,寧願駛向您前方三個車位的位置,都要靠近路旁。

好了,和友人追了上去,上車。

一上車,真是籮柚都未坐好。司機就大聲,帶著命令的意味,罵道:

「扣安全帶!」

當您感到好無意思,也正在扣著安全帶時,他繼續叫著要扣安全帶。兼且,著了車燈,要「監察」您們有無真的戴上安全帶。

司機真的轉身,「視察」您兩有無戴上安全帶。然後才熄車燈。

然後我們說出要去的目的地。

司機好像聽不清楚,很惡的一句:「聽唔到。」

我其實好不們現在的人。無論是「sale屎」、的士佬還是快餐店職員,他們自己聽不到,就只說句「聽唔到」。又無禮貌,又以為自己好卵型三個字就交代所有。

我再講。

對方再是聽唔到。

我用英文大聲串垢對方。對方不語。然後我再厲聲再叫一次。然後說:「聽到未呀。」

「仲有咩規矩條件要守先肯開車呀。」真是不發火當病貓。

司機開車。

到目的地。司機取出那新收費的卡子。他高舉那卡,用自己的手指,指著要收的車資,港幣47.8塊。他連說一聲都不,莫說是唔該多謝。

我給了五十塊。

他玩我零錢,竟然是兩塊兩耗子。媽的,真是連那兩耗子也找回給我。

面對這種舉動,我馬上想這個世上,有一些人是有這類自閉症或強迫症的行為。行為上很怪,很難與人相處,但其實人格沒有什麼。

找錢後,我平和地下車。

事後我問自己,是否撞邪?



3 則留言:

  1. 沒撞邪~ 我都有差不多遭遇,佢有show 新收費表比你睇咪算好,我上次係望住個錶,問是否35.6, 跟住佢好串咁話「阿姐舊錶黎架」,跟住不耐煩。我回「我做客係唔需要諗係新定舊錶,如果我講得唔啱你直接話我知囉,我唔會記到你個價錢表!」。司機「咁你問我丫麻!」我「你聾定老人痴呆,頭先咪問緊你!」跟住一落車問都未閂好門就開車走��⋯⋯啲的士司機真係仆街中既仆街!

    回覆刪除
  2. 我覺得很自動自覺找錢已經是香港的士士機美德,例牌的𡁻了你那2,3蚊應該找回的零錢,你叫他找,他那個眼神就好似「mark哥」比人用4枝槍指着個頭甘。

    回覆刪除
  3. 就係呢種人乜都揸正嚟做,計數都特別軍真。份人係勞氣啲,唔代表心地壞。哈哈

    回覆刪除